स्याटेलाइट ब्याण्डविथ खरिदमा २०.६१ करोड घोटाला, अख्तियारमा छानबिन सिफारिस

काठमाडौं– नेपाल टेलिभिजनको स्याटेलाइट ब्याण्डविथ खरिदमा २० करोड ६१ लाख ७३ हजार ४६९ रुपैयाँ बराबरको अनियमितता भएको निष्कर्षसहित सूचना तथा सञ्चार मन्त्रालयले अध्ययन प्रतिवेदन प्रधानमन्त्री तथा मन्त्रिपरिषद्को कार्यालय र अख्तियार दुरुपयोग अनुसन्धान आयोगमा पठाएको छ ।

अध्ययन समितिले सन् २००२–२०२२ बीच भएका खरिद तथा भाडा सम्झौतामा सार्वजनिक खरिद ऐन र नियमावली उल्लंघन, प्रतिस्पर्धाबिनै सम्झौता थप, सेवा सुरु हुनुअघि भुक्तानी, बढी रकम भुक्तानी तथा आवश्यकताभन्दा बढी ब्याण्डविथ खरिद गरिएको उल्लेख गरेको छ ।