श्रमिकका उजुरी १ घण्टाभित्रै सम्बोधन गर्न मन्त्रीको निर्देशन

काठमाडौँ- श्रमिक तथा पीडितले दिएका उजुरी/निवेदनलाईअब १ घण्टाभित्रै सम्बोधन गर्नुपर्ने भएको छ। श्रम तथा व्यवसायजन्य सुरक्षा विभागले आफ्ना मातहतका सबै श्रम तथा रोजगार कार्यालयहरू र व्यवसायजन्य सुरक्षा तथा स्वास्थ्य केन्द्रलाई परिपत्र गर्दै यस्तो निर्देशन दिएको हो।

विगतमा विभिन्न माध्यम (हेल्लो सरकार, मन्त्रालय वा विभाग) बाट आएका वा सिधै कार्यालयमा दिइएका उजुरीहरू समयमै सम्बोधन नभएको, कर्मचारीले उचित व्यवहार नगरेको र न्याय दिन ढिलाइ गरेको भन्दै मन्त्रीसमक्ष समेत गुनासो पुगेपछि विभागले यस्तो कदम चालेको जनाइएको छ।