नेतान्याहूलाई न्युयोर्कमा गिरफ्तार गर्न सकिँदैन : मेयर ममदानी

न्युयोर्कका मेयर जोहरान ममदानीले इजरायलका बेन्जामिन नेतान्याहूलाई पक्राउ गर्न नसक्ने बताएका छन्।

बुधबार एक भिडियो सन्देश जारी गर्दै उनले विश्वको शीर्ष युद्ध-अपराध अदालत अन्तर्राष्ट्रिय फौजदारी अदालत (आईसीसी) ले जारी गरेको पक्राउ पुर्जी कार्यान्वयन गर्न आफू सक्षम नभएको बताएका हुन्। तर संघीय सरकारले त्यसलाई कार्यान्वयन गर्नुपर्ने उनको भनाइ छ। भिडियोमा ममदानीले इजरायली प्रधानमन्त्रीलाई ‘युद्ध अपराधी’ भनेर उल्लेख गरेका छन्। उनलाई न्युयोर्क सहरमा स्वागत नगरिने उनको स्पष्ट जवाफ छ।