पौने ३० खर्ब पुग्यो सार्वजनिक ऋण, जीडीपीको ४५ प्रतिशत नाघ्यो; विनिमय दरले थप्यो १.६७ खर्ब दायित्व

काठमाडौं । नेपालको सार्वजनिक ऋण आर्थिक वर्ष २०८२/८३ को अन्त्यसम्म आइपुग्दा २९ खर्ब ७४ अर्ब ९० करोड रुपैयाँ पुगेको छ। एक वर्षअघि २६ खर्ब ७४ अर्ब ४ करोड रुपैयाँ रहेको सार्वजनिक ऋण एकै वर्षमा तीन खर्ब ८५ करोड रुपैयाँले बढेको हो।

सार्वजनिक ऋण व्यवस्थापन कार्यालयका अनुसार यो वृद्धि ऋण परिचालनसँगै वैदेशिक विनिमय दरमा आएको परिवर्तनका कारण भएको हो। नयाँ तथ्यांकअनुसार कुल सार्वजनिक ऋण अहिले देशको कुल गार्हस्थ्य उत्पादन (जीडीपी) को ४५.०७ प्रतिशत बराबर पुगेको छ।