साउनदेखिको खपतमा मात्र लाग्नू पर्नेमा सरकारले असारकै बिजुलीको बिलमा लगाइदियो भ्याट

काठमाडौं । नेपाल विद्युत प्राधिकरणले असारकै बिजुलीको बिलमा भ्याट लगाइदिएको छ । आर्थिक ऐन, २०८३ अनुसार साउनबाट विद्युत खपतमा मूल्य अभिवृद्धि कर (भ्याट) लाग्ने उल्लेख छ । तर, प्राधिकरणले भने असारमा खपत भएको बिजुलीमै भ्याट जोडेर बिल काटेको हो ।

प्राधिकरणले साउन १ देखि ४ गतेसम्म सम्पूर्ण बिलिङ काउन्टर बन्द गरेर भ्याट सहित प्रणाली विकास गरेको छ । जसअनुसार मंगलबार (साउन ५ गते) देखि भ्याट सहितको बिलिङ प्रणाली तयार भएको हो । भ्याटको व्यवस्था कार्यान्वयनका लागि बिलिङको सफ्टवेयर प्रणाली अपग्रेड गरेसँगै साउन ५ गतेदेखि काटिएको बिलमा भ्याट जोडिएको हो।