९ लाख ठगीको आरोपमा हास्य कलाकार नारद खतिवडा पक्राउ

काठमाडौं- हास्य कलाकार नारदप्रसाद खतिवडा ठगी आरोपमा पक्राउ परेका छन्। अध्यागमन विभागको हिरासतमा रहेका चिनियाँ नागरिकहरूलाई छुटाइदिने र नियन्त्रणमा रहेका राहदानीसमेत झिकाइदिने आश्वासन दिँदै ९ लाख रुपैयाँ ठगी गरेको आरोपमा प्रहरीले खतिवडासहित तीन जनालाई पक्राउ गरेको हो।

काठमाडौं उपत्यका अपराध अनुसन्धान कार्यालयका अनुसार कालिकास्थानस्थित अध्यागमन विभागको हिरासतमा रहेका ९ जना चिनियाँ नागरिकलाई छुटाइदिने र विभागको नियन्त्रणमा रहेका १५ वटा राहदानीसमेत फिर्ता गराइदिने भन्दै उनीहरूले रकम असुलेका थिए।