खैरो हेरोइनसहित दुई जना भारतीय नागरिक पक्राउ

काठमाडौँ । लागुऔषध नियन्त्रण ब्युरोले मोरङको रंगेलीबाट लागुऔषध खैरो हेरोइनसहित दुई जना भारतीय नागरिकलाई पक्राउ गरेको छ । पक्राउ पर्नेमा भारतको अररिया जिल्ला बौकाहा मझरा घर भएका २८ वर्षीय मोहम्मद मुन्ना र २५ वर्षीय मोहम्मद मुकुल छन् ।

बुधबार ब्युरोको शाखा कार्यालय विराटनगरबाट खटिएको टोलीले उनीहरूलाई रंगेली नगरपालिका–७ बाट पक्राउ गरेको ब्युरोका डीएसपी जीवन निरौलाले रातोपाटीलाई बताए । आरोपीहरूको साथबाट प्रहरीले १०१ ग्राम खैरो हेरोइन बरामद गरेको छ । ब्युरोले आरोपीहरूलाई थप अनुसन्धान गर्न इलाका प्रहरी कार्यालय रंगेलीमा बुझाएको छ ।