१२ अर्ब डलर खर्चेर २० बोइङ र १४ एयरबस किन्दै फिलिपिन्स एयरलाइन्स

एजेन्सी । बैंकिङ र सुर्तीजन्य पदार्थका टाइकुन लुसियो टानको नियन्त्रणमा रहेको फिलिपिन्स एयरलाइन्सले आफ्नो विमानको आधुनिकीकरणलाई तीव्रता दिँदै २० वटा बोइङ ७८७-१० ‘ड्रिमलाइनर’ र १४ वटा एयरबस ए३५०-१००० लामो दुरीका जेटहरू अर्डर गरेको छ ।

बेलायतमा जारी ‘फर्नबरो इन्टरनेशनल एयर शो’ मा सोमबार भएको सम्झौता अनुसार फिलिपिन्सको ध्वजावाहक एयरलाइन्सले कम्तीमा १५ वटा ड्रिमलाइनर खरिद गर्ने प्रतिबद्धता जनाएको छ भने थप ५ वटा विकल्पमा राखिएको फोर्ब्सले जनाएको छ । मनिलास्थित पीएएलका अनुसार यी विमानहरू सन् २०३१ देखि २०३४ को बीचमा डेलिभरी हुनेछन् ।