जुम्लाको स्याउ अब भारतको रोजाइ, ८० करोडको व्यापार गर्ने लक्ष्य

काठमाडौं- जुम्लामा उत्पादन हुने स्याउको माग नेपाली बजारसँगै भारतीय बजारमा समेत बढ्दै गएको छ। स्वादिलो र गुणस्तरीय भएकाले ‘जुम्ली स्याउ’ उपभोक्ताको रोजाइमा पर्न थालेको हो।

कृषि विकास कार्यालय जुम्लाका अनुसार आर्थिक वर्ष २०८२/८३ मा जिल्लामा १ करोड ८२ लाख ४५ हजार केजी स्याउ उत्पादन भएको थियो। उत्पादन भएकोमध्ये करिब ७० प्रतिशत अर्थात् १ करोड २६ लाख ५४ हजार केजी स्याउ नेपाली बजारमै खपत भएको छ।