सहमति र एकताको पहल नभए नयाँ बाटो तय गर्न बाध्य हुनेछौँ : विमलेन्द्र निधि

काठमाडौँ । नेपाली कांग्रेसका पूर्वउपसभापति विमलेन्द्र निधिले पार्टीभित्रको आन्तरिक विवाद समाधान गरी एकताका लागि ठोस पहल नगरिए आफूहरू नयाँ बाटो तय गर्न बाध्य हुने चेतावनी दिएका छन् । बीपीको ४४औँ स्मृति दिवसका अवसरमा प्रज्ञाप्रतिष्ठानमा आयोजित कार्यक्रममा नेता निधिले पार्टीलाई एकताबद्ध राख्न आफूहरूले अघि सारेका माग र एजेन्डाहरूलाई नै एकताको मुख्य आधार बनाउनुपर्ने अडान दोहर्‍याए ।

नेता निधिले आजै राष्ट्रिय भेलाको घोषणा हुन लागेको जानकारी दिँदै सो भेलासम्म पनि नेतृत्वले सहमति नगरे नयाँ राजनीतिक बाटो रोज्ने स्पष्ट पारे । ‘हामीले एकताका लागि पटक९पटक प्रयास गरिरहेका छौँ र अत्यन्तै सामान्य मागहरू अघि सारेका छौँ,’ निधिले भने, ‘यदि हाम्रा माग र सहमतिका आधारहरू स्वीकार गरिएन भने नयाँ बाटो तय गर्नु हाम्रो बाध्यता हुनेछ । यी आधारहरू नमान्नुले नेतृत्व पार्टी एक राख्न चाहँदैन भन्ने देखिन्छ ।’