अश्नीर ग्रोवरको बायोपिकबाट बाहिरिए आमिर

बलिउड अभिनेता आमिर खान भारतपेका पूर्व सह–संस्थापक तथा व्यवसायी अश्नीर ग्रोवरको बायोपिकबाट बाहिरिएका छन्। भारतीय सञ्चारमाध्यमका अनुसार निर्देशक राहुल मोदीसँग रचनात्मक मतभेद भएपछि उनले परियोजना छाड्ने निर्णय गरेका हुन्।

यसअघि आमिरले फिल्ममा अश्नीर ग्रोवरको भूमिका निर्वाह गर्ने र श्रद्धा कपूर मुख्य भूमिकामा रहने चर्चा थियो। आमिर बाहिरिए पनि निर्माण टोलीले फिल्मको काम भने निरन्तर अघि बढाउने जनाएको छ। अहिले श्रद्धा कपूर र निर्देशक राहुल मोदी अश्नीरको भूमिकाका लागि नयाँ युवा अभिनेताको खोजीमा छन्।