जापानमा ‘क्रूर गर्मी’ को चेतावनी, सतर्कता अपनाउन अनुरोध

टोकियो । जापानका विभिन्न शहरमा तापक्रम ४० डिग्री सेल्सियसभन्दा माथि पुगेपछि मौसमविदले पहिलोपटक ‘क्रूररूपमा तातो दिन’ भन्ने नयाँ शब्दावली प्रयोग गर्न थालेका छन् । देशका अधिकांश क्षेत्रमा भीषण गर्मी फैलिँदै गएपछि ४७ मध्ये ४१ प्रान्तमा ‘हिटस्ट्रोक’ को चेतावनी जारी गरिएको छ ।

जापान मौसम विज्ञान एजेन्सीका अनुसार मङ्गलबार देशका तीन केन्द्रीय सहरमा तापक्रम ४० डिग्री सेल्सियसभन्दा माथि पुगेको थियो । यस स्तरको गर्मीलाई जनाउन एजेन्सीले ‘कोकुशोबी’ अर्थात् ‘क्रूररूपमा तातो दिन’ भन्ने शब्द प्रयोग गरेको जनाएको छ ।