१८ भदौमा एनएसजेएफ पल्सर स्पोर्टस् अवार्ड

काठमाडौँ। नेपाल खेलकुद पत्रकार मञ्च (एनएसजेएफ) ले हरेक वर्ष आयोजना गर्ने ‘एनएसजेएफ पल्सर स्पोर्टस् अवार्ड २०८२’ को मिति घोषणा भएको छ। मञ्चले बुधबार काठमाडौँमा कार्यक्रम गर्दै अवार्डको २३औँ संस्करण १८ भदौमा नेपाल पुलिस क्लबको ‘द ब्लु पवेलियन’ मा गर्ने घोषणा गरेको हो।

अवार्डका लागि मञ्चले मुख्य प्रायोजक गोल्छा ग्रुपसँग सम्झौता पनि गरेको छ। गोल्छा ग्रुप लगातार १९औँ पटक अवार्डसँग जोडिएको हो। दुईबीच अघिल्लो वर्ष नै पाँच वर्षका लागि सम्झौता भएको थियो। जुन दोस्रो वर्षमा चलिरहेको छ।