केशरमहलदेखि माइतीघरसम्म जग्गा मूल्य आनाको ७६ लाख

६ साउन, काठमाडौं । सरकारले देशैभरिका जग्गाको प्रयोजन अनुसार सरकारी मूल्य तोकेको छ । सम्बन्धित मालपोत कार्यालयले चालु आर्थिक वर्षका लागि १० प्रतिशतसम्मले वृद्धि गरी सरकारी मूल्य कायम गरेका हुन् ।

काठमाडौं डिल्लिबजार मालपोत कार्यालयले गत आर्थिक वर्षको तुलनामा १० प्रतिशतले मूल्याङ्कन बढाएको जनाएको छ । सो अनुसार केशरमहल, जमल, ठमेल, न्यूरोड, माइतीघर वरपरका जग्गाको सरकारी मूल्य प्रतिआना ७६ लाख ६० हजार रुपैयाँ कायम गरेको छ । डिल्लीबजार मालपोत कार्यालयले न्यूनतम ११ लाख रुपैयाँ प्रतिआना कायम गरेको छ । सरकारी मूल्य प्रतिआना ७६ लाख २० हजार तोकिएका अन्य स्थानमा रत्नपार्क, पुरानो बसपार्क सहिद गेट लगायत छन् ।