संविधान संशोधन सुझाव कार्यदल : एमालेले तथ्य र औचित्यका आधारमा प्रस्ताव तयार गर्ने

काठमाडौँ । नेकपा (एमाले) को संविधान संशोधन सुझाव कार्यदलअन्तर्गत संविधान पुनरवलोकन सम्बन्धी प्रस्ताव तयार गर्न तथा संविधान संशोधनका लागि सुझाव सङ्कलन गर्ने उद्देश्यले गठित उपसमितिको बैठक सम्पन्न भएको छ।

उपसमितिका संयोजक अग्नि प्रसाद खरेलको अध्यक्षतामा बुधबार पार्टी केन्द्रीय कार्यालय, च्यासलमा बसेको बैठकले सङ्घीय लोकतान्त्रिक गणतन्त्र तथा विद्यमान संविधानले अवलम्बन गरेको शासन प्रणालीलाई अझ सुदृढ र प्रभावकारी बनाउने उद्देश्यका साथ संविधान संशोधन सम्बन्धी सुझाव सङ्कलनको प्रक्रिया व्यवस्थित रूपमा अघि बढाउने विषयमा विस्तृत छलफल गरेको छ।