शैक्षिक परामर्श व्यवसायीलाई वार्तामा आउन शिक्षा मन्त्रालयले गर्‍यो पत्राचार

काठमाडौँ । शैक्षिक परामर्श व्यवसायीलाई वार्तामा आउन शिक्षा तथा खेलकुद मन्त्रालयले पत्राचार गरेको छ । शिक्षा मन्त्रालयले शैक्षिक परामर्श व्यवसायीहरूको छाता सङ्गठन नेपाल शैक्षिक परामर्श व्यवसायी महासङ्घ लगायतलाई बुधबार पत्राचार गर्दै छलफलका लागि आउन अनुरोध गरेको हो ।

भोलि बिहीबार दिउँसो ३ बजे शिक्षा मन्त्रालयमा छलफल हुने छ। शैक्षिक परामर्श व्यवसायीहरू मन्त्रालयले जारी गरेको ‘शैक्षिक परामर्श, भाषा शिक्षण तथा तयारी कक्षा (सञ्चालन र व्यवस्थापन) नियमावली, २०८३’मा असन्तुष्टि जनाउँदै विरोधमा छन्।