हदबन्दीभन्दा बढी जग्गा लिएकाको स्थलगत अनुगमन गर्न निर्देशन

काठमाडौँ । भूमि व्यवस्थापन तथा अभिलेख विभागले हदबन्दीभन्दा बढी जग्गा खरिद गर्न वा राख्न नेपाल सरकारबाट स्वीकृति प्राप्त गरेका कम्पनी, उद्योग, प्रतिष्ठान तथा सङ्घ–संस्थाको स्थलगत अनुगमन गरी प्रतिवेदन पेस गर्न देशका ४० वटा जिल्लाका भूमि प्रशासन कार्यालयहरूलाई कडा निर्देशन दिएको छ।

विभागले यसअघि पटकपटक पत्राचार गर्दा पनि अधिकांश कार्यालयबाट प्रतिवेदन नआएपछि अब अनुगमन तथा निरीक्षण समितिले नै स्थलगत रूपमा पुगी वस्तुस्थितिको अध्ययन गरी प्रतिवेदन बुझाउन पत्राचार गरेको हो।