बाढीपीडितको उद्धार र राहतका लागि कोशी प्रदेश सरकारद्वारा ३ करोड सहयोगको घोषणा

विराटनगर । भदौ १० गते आएको भीषण लेदोसहितको रसुवाको बाढीबाट प्रभावित क्षेत्रहरूमा तत्काल खोजी, उद्धार तथा राहत कार्यका लागि कोशी प्रदेश सरकारले प्रधानमन्त्री दैवी प्रकोप उद्धार कोषमा ३ करोड जम्मा गर्ने निर्णय गरेको छ।

मन्त्रिपरिषद्को बिहिबार बसेको बैठकले रसुवागढी तथा भोटेकोशी नदीको तल्लो तटीय क्षेत्रका रसुवा, नुवाकोट, धादिङ, गोरखा, तनहुँ र चितवन लगायतका जिल्लाहरूमा बाढी तथा पहिरोका कारण भएको ठूलो मानवीय र भौतिक क्षतिप्रति गहिरो दुःख व्यक्त गर्दै उक्त सहयोगको घोषणा गरेको हो।