फ्याटी लिभरको समस्यालाई कसरी नियन्त्रण गर्ने?

कलेजोमा बोसो जम्ने समस्या अर्थात् 'फ्याटी लिभर' पछिल्लो समय बढ्दो क्रममा छ। जीवनशैलीमा आएको परिवर्तन, मद्यपान, मधुमेह (सुगर), र उच्च रक्तचाप (प्रेसर) लगायतका कारणले फ्याटी लिभरको समस्या बढ्दै गएको चिकित्सकहरू बताउँछन्।

फ्याटी लिभरले विभिन्न चरणहरू पार गर्दै जाँदा कलेजो फेलसम्मको अवस्था आउन सक्ने भएकाले समयमा नै यसको पहिचान तथा नियन्त्रण गर्न आवश्यक रहेको कलेजो रोग विशेषज्ञ डा. पुकार थापा बताउँछन्। उनका अनुसार कतिपय अवस्थामा हाम्रो गलत खानपानले पनि कलेजोलाई गम्भीर असर गरिरहेको हुन्छ।