सत्याग्रह शुरू गर्दै डा.केसी

काठमाडौँ । चिकित्सा शिक्षा सुधारको माग गर्दै पटक–पटक सत्याग्रह बस्दै आएका डा. गोविन्द केसीले आजदेखि धनगढीबाट फेरि सत्याग्रह शुरू गर्ने घोषणा गरेका छन्। स्वास्थ्य क्षेत्रमा सुधार गर्नुपर्ने मागसहित उनले धनगढीस्थित कृष्ण मन्दिरको धर्मशालाबाट सत्याग्रह सुरु गर्ने घोषणा गरेका हुन्।

स्वास्थ्य क्षेत्रलाई सरकारबाटै निजीकरण गर्ने प्रयास भइरहेकाले त्यसलाई रोक्न आफू सत्याग्रह बस्न बाध्य भएको डा. केसीको भनाइ छ। सरकारले निजी मेडिकल कलेजमा लगानी भएका व्यक्तिलाई कैलालीको गेटास्थित शहीद दशरथचन्द स्वास्थ्य विज्ञान विश्वविद्यालयमा पदाधिकारी नियुक्त गरेर यसको पुष्टि गरेको उनले आरोप लगाएका छन्।