इरानका पुल र पावर प्लान्ट ध्वस्त पार्ने ट्रम्पको चेतावनी

अमेरिकी राष्ट्रपति डोनाल्ड ट्रम्पले इरानलाई कडा चेतावनी दिँदै स्ट्रेट अफ होर्मुजमा जहाजहरूमाथि आक्रमण नरोकिए इरानका महत्त्वपूर्ण भौतिक पूर्वाधारहरू ध्वस्त पार्ने बताएका छन् । ट्रम्पले इरानी सेनाले कुनै पनि जहाजमा मिसाइल, रकेट वा ड्रोनमार्फत आक्रमण गरेमा त्यसको बदलामा इरानका पुल र पावर प्लान्टहरूलाई निशाना बनाइने चेतावनी दिएका हुन् ।

सामाजिक सञ्जाल 'ट्रुथ सोसल' मार्फत ट्रम्पले सम्भावित लक्ष्यहरूमा राजधानी तेहरानमा रहेका वा त्यसको आसपासका संरचनाहरू समेत पर्ने उल्लेख गरेका छन् । पछिल्लो ११ दिनदेखि अमेरिकाले इरानमाथि निरन्तर हवाई आक्रमण गरिरहेको छ। इरानी सञ्चारमाध्यमका अनुसार तेहरान, ताब्रिज र बुशेहर (जहाँ इरानको एकमात्र आणविक पावर प्लान्ट छ) लगायतका क्षेत्रमा विष्फोटका आवाजहरू सुनिएका छन्।