किन आन्दोलित छन् भक्तपुर क्यान्सर अस्पतालका कर्मचारी ?

काठमाडौँ । भक्तपुर क्यान्सर अस्पतालमा कार्यरत कर्मचारी र स्वास्थ्यकर्मी आन्दोलित भएका छन् । कर्मचारी सेवा तथा सर्तसम्बन्धी विनियमावली अविलम्ब पारित गर्न माग गर्दै कर्मचारी र स्वास्थ्यकर्मी आन्दोलित भएका हुन् ।

लामो समयदेखि स्वास्थ्य तथा खाद्य स्वच्छता मन्त्रालयबाट कर्मचारी विनियमावली पारित हुन नसकेको भन्दै उनीहरू आन्दोलनमा छन् । गत सोमबार कर्मचारीहरूले विनियमावली पारित गर्ने लगायतका माग राखी पाखुरामा कालोपट्टी बाँधेर साङ्केतिक विरोधसहित सेवा प्रवाह गरेका थिए । शान्तिपूर्ण विरोध गरिरहेका कर्मचारीहरूले अब आन्दोलनलाई अझ कडा बनाउने चेतावनी दिएका छन् ।