सैनिक कल्याणकारी भवन ठेक्का प्रकरण : निर्माण व्यवसायीमाथि चरम अन्याय र अर्बौँको लगानी जोखिममा !

काठमाडौँ । काठमाडौँको न्यूरोड महाँकालस्थानस्थित सैनिक कल्याणकारी कोषको स्वामित्वमा रहेको व्यावसायिक भवन भाडामा लिई अर्बौँ रुपैयाँ लगानी गरेको श्रीजयन्ती निर्माण सेवा प्रा. लि. चरम प्रशासनिक थिचोमिचो र अन्यायमा परेको निश्कर्ष निकालिएको छ ।

भवन हस्तान्तरणमा सेनाकै तर्फबाट भएको ढिलाइ, काठमाडौँ महानगरपालिकासँगको नक्सा पास विवाद र कोभिड–१९ को महामारीका कारण उत्पन्न विषम परिस्थितिलाई नजरअन्दाज गर्दै कल्याणकारी निर्देशनालयले उल्टै निर्माण व्यवसायीमाथि एकतर्फी रूपमा करोडौँ बक्यौताको भार थोपरेको पाइएको हो । यस विषयमा अहिले सर्वोच्च अदालतमा मुद्धा पुगेको छ । साथै यस विषयमा मानव अधिकार आयोगमा पनि उजुरी परेको छ ।