काठमाडौंमा शनिबार ‘हरेरी सांस्कृतिक साँझ’ आयोजना हुने

७ साउन, काठमाडौं । थारू समुदायको कला, संस्कृति, परम्परा र पहिचान प्रवर्द्धन गर्ने उद्देश्यले ‘हरेरी सांस्कृतिक साँझ–२०८३’ आयोजना हुने भएको छ ।

घोंघी स्टेसन प्रालिका अनुसार साउन ९ गते शनिबार काठमाडौंको भृकुटीमण्डपस्थित नेपाल पुलिस क्लबमा कार्यक्रम हुनेछ । दिउँसो २ बजेदेखि राति ९ बजेसम्म सञ्चालन हुने कार्यक्रममा थारू समुदायका कलाकार, स्रष्टा, सांस्कृतिक अभियन्ता तथा विभिन्न क्षेत्रका व्यक्तित्वको सहभागिता रहने जनाइएको छ ।