भुक्तानी पाएपछि अस्पतालहरुले ६ महिनापछि स्वास्थ्य बिमा पुन:सुरु गर्दै, टिचिङले भोलिबाट सेवा दिने

काठमाडौं । साढे ६ महिनादेखि रोकिएको भुक्तानी पाएपछि अस्पतालहरुले स्वास्थ्य बिमा सेवा पुन: सुरु गर्ने भएका छन् । स्वास्थ्य बिमा बोर्डले आंशिक रुपमा बक्यौता भुक्तानी गरेका कारण महाराजगञ्जस्थित त्रिवि शिक्षण अस्पताल (टिचिङ) ले स्वास्थ्य बिमा सेवा पुनः सञ्चालन गर्ने भएको छ।

बोर्डले देशभरका सेवा प्रदायक संस्थाहरूलाई कुल २ अर्ब रुपैयाँभन्दा बढी भुक्तानी गरेसँगै शिक्षण अस्पतालले आगामी असार १५ गतेदेखि सेवा सुचारु गर्ने निर्णय गरेको हो।