नगर अस्पताल भवन निर्माणमा ढिलासुस्ती

बाराका १६ वटा स्थानीय तहमध्ये अधिकांशले अहिलेसम्म नगर अस्पतालको भवन निर्माणमा सक्रियता देखाएका छैनन्।

स्थानीय सरकार प्रमुखलगायत जनप्रतिनिधीले नगर अस्पताल निर्माणमा सक्रियता नदेखाउँदा गाउँघरमै नगरवासीले गुणस्तरीय स्वास्थ्य सेवा पाउन नसकेको अवस्था छ। २०७४ सालमा भएको पहिलो स्थानीय तहको निर्वाचनपछि जनताले गाउँघरमै गुणस्तरीय स्वास्थ्य सेवा पाउने आशा गरेका थिए।