भूमिहीन सुकुम्बासीलाई यो देशमा बाँच्न देउ भन्दै विरोध प्रदर्शन (तस्वीरहरू)

काठमाडौं । नागरिक बचाउ महाअभियान सुकुम्बासी समायोजन समितिले माइतीघर मण्डलामा विरोध प्रदर्शन गरेको छ । भूमिहीन सुकुम्बासीहरूलाई पनि यो देशमा बाँच्न देउ भन्दै उनीहरूले बिहीबार प्रदर्शन गरेका हुन् ।

सरकारले काठमाडौंका विभिन्न सुकुम्बासी वस्तीमा डोजर चलाएर होल्डिङ सेन्टरमा अलपत्र पारेको थियो । कीर्तिपुरको होल्डिङ सेन्टरमा बाढी पसेपछि बिचल्लीमा परेका सुकुम्बासीलाई भक्तपुरको होल्डिङ सेन्टरमा लगिएको थियो । अहिले ती होल्डिङ सेन्टरबाट पनि उनीहरूलाई सरकारले उनीहरूको पुर्ख्यौली ठेगनामा धपाउन लागेको छ ।