नेपालको विद्युत् निर्यातमा ऐतिहासिक छलाङ, ६८ प्रतिशतले बढ्यो आम्दानी

काठमाडौं- नेपालले आर्थिक वर्ष २०८२/८३ मा विद्युत् निर्यातबाट हालसम्मकै उच्च २९ अर्ब ३२ करोड ४७ लाख रुपैयाँ आम्दानी गरेको छ। नेपाल विद्युत् प्राधिकरणका अनुसार भारत र बंगलादेशमा ३ अर्ब ८७ करोड ७४ लाख ९२ हजार युनिट विद्युत् निर्यात गर्दा यो आम्दानी भएको हो। प्रतियुनिट औसत ७ रुपैयाँ ५६ पैसाका दरले विद्युत् बिक्री गरिएको थियो।

अघिल्लो आर्थिक वर्षको तुलनामा विद्युत् निर्यातबाट भएको आम्दानी ६७.९६ प्रतिशत र निर्यात परिमाण ६२.८९ प्रतिशतले बढेको छ। आर्थिक वर्ष २०८१/८२ मा नेपालले १७ अर्ब ४५ करोड ८७ लाख रुपैयाँको विद्युत् निर्यात गरेको थियो।