एकजुट भई विपत्तिको सामना गरौँः उपराष्ट्रपति यादव

उपराष्ट्रपति रामसहाय प्रसाद यादवले रसुवाको भोटेकोशीमा भदौ १० गते बुधबार आएको आकस्मिक बाढीबाट रसुवा, नुवाकोट, धादिङलगायत जिल्लामा ठूलो जनधनको क्षति भएको घटनाप्रति दुःख व्यक्त गरेका छन् ।

उपराष्ट्रपति यादवले बिहीबार विज्ञप्ति जारी गर्दै बाढीपहिरोमा परी अकालमै ज्यान गुमाएका नेपाली नागरिक, विदेशी पर्यटक तथा तीर्थयात्रीहरूप्रति श्रद्धाञ्जली अर्पण गरेका छन् । उनले दिवंगत आत्माको चिरशान्तिको कामना गर्दै शोकसन्तप्त परिवारजनप्रति समवेदना व्यक्त गरेका छन् ।