एक-अर्काको नाम सुन्दा कुल्ला गर्ने अवस्था अन्त्य गरौँ, कम्युनिस्टहरू एक हुनुपर्छ : झलनाथ खनाल

नेपाली कम्युनिस्ट पार्टी (नेकपा)का वरिष्ठ नेता झलनाथ खनालले कम्युनिस्ट शक्तिहरूबीचको विभाजन अन्त्य गर्दै कार्यगत एकतामार्फत देशलाई अघि बढाउनुपर्ने बताएका छन्।

मदन भण्डारी फाउन्डेसनले मदन भण्डारीको ७५औँ जन्मजयन्तीका अवसरमा आइतबार काठमाडौं राष्ट्रिय सभागृहमा आयोजना गरेको कार्यक्रममा खनालले कम्युनिस्ट नेताहरूबीच आपसी कटुता अन्त्य गर्नुपर्नेमा जोड दिए।