००८ सालमा नेकपाका संस्थापक महासचिव पुष्पलाललाई किन हटाइयो ?

काठमाडौँ । २००६ साल वैशाख १० अर्थात् सन् १९४९ को २२ अप्रिल, लेनिन जन्म दिवसको सन्दर्भमा भारतको कलकत्तास्थित श्यामबजार ईलाकामा पर्ने नविन लेनमा नेपाल कम्युनिस्ट पार्टी (नेकपा) स्थापना भएको थियो । संस्थापक महासचिव पुष्पलाल श्रेष्ठको अगुवाइमा नेकपा स्थापना भएको थियो ।

संस्थापक सदस्यहरूमा नरबहादुर कर्माचार्य, निरञ्जन गोविन्द वैद्य र नारायणविलास जोशी थिए । पुष्पलालको मत अनुसार काठमाडौँबाट दुर्गा देवी (मोतीदेवी) पनि सहभागी भएकाले उनलाई संस्थापक सदस्य मानेका छन् । तर, अन्य तीन जना संस्थापक सदस्य पुष्पलालको कुरा मान्य तयार देखिएनन् । मोतीदेवीलाई संस्थापक सदस्य मान्नेमा अहिलेसम्म पनि वामपन्थीहरू विभाजित छन् ।