एसियन गेम्स क्रिकेटमा नेपाल, अफगानिस्तान र जापान एउटै समूहमा

काठमाडाैँ। सन् २०२६ को एसियन गेम्स पुरुष क्रिकेट प्रतियोगिता (२० ट्वान्टी)को प्रारम्भिक चरण (क्वालिफाइङ राउन्ड) को समूह विभाजन सार्वजनिक भएको छ । तालिकाअनुसार नेपाल समूह ‘ए’ मा अफगानिस्तान र जापानसँग परेको छ ।

समूह चरणका खेलहरू सेप्टेम्बर २४ देखि २६ सम्म हुनेछन् । तीन टोली रहेको समूहमा प्रत्येक टोलीले एकअर्कासँग एक–एक खेल खेल्नेछ । समूहका शीर्ष दुई टोली क्वार्टरफाइनलमा प्रवेश गर्नेछन्, जबकि अन्तिम स्थानमा रहने टोली प्रतियोगिताबाट बाहिरिनेछ ।