वामपन्थी शक्तिबीचको एकता ढिलो हुँदा दुर्घटना छिटो हुन्छ : प्रचण्ड

नेपाली कम्युनिस्ट पार्टी (नेकपा)का संयोजक पुष्पकमल दाहाल 'प्रचण्ड'ले वर्तमान राजनीतिक परिस्थितिमा संविधान, गणतन्त्र र राष्ट्रिय स्वाधीनताको रक्षा गर्न ढिलाइ नगरी वामपन्थी शक्तिहरूबीच कार्यगत एकता गर्न आह्वान गरेका छन्।

मदन भण्डारी फाउण्डेसनले मदन भण्डारीको ७५औँ जन्मजयन्तीका अवसरमा आइतबार काठमाडौंको राष्ट्रिय सभागृहमा आयोजना गरेको कार्यक्रममा प्रचण्डले वर्तमान सरकारले संविधानका आधारभूत मान्यतामाथि प्रहार गरिरहेको आरोप लगाए । उनले नेपालमा कम्युनिस्ट आन्दोलन र यसको प्रभाव कमजोर पार्ने प्रयास भइरहेको दाबी पनि गरे।