एनसेलको विषयमा सर्वोच्चको फैसला : सेयर खरिद बिक्रीमा समस्या छैन, नियामकको स्वीकृति अनिवार्य

सर्वोच्च अदालतले एनसेल आजियाता लिमिटेडको सेयर खरिद बिक्रीमा समस्या तथा विवाद नरहेको ठहर गरेको छ । इनसेलको शेयर खदिद बिक्रिको बिषयलाइ लिएर सांसद अमरेशकुमार सिंहले एनसेल, नेपाल दूर सञ्चार प्राधिकरण, कम्पनी रजिष्ट्रारको कार्यालय लगायतलाई विपक्षी बनाई दायर गरेको रिटमा सर्वोच्चले उक्त परमादेश सुनाएको हो ।

सर्वोच्चको परमादेशमा दूरसञ्चार नियमावली, २०५४ तथा दूरसञ्चार ऐन, २०५३ बमोजिम एनसेलको सेयर खरिद बिक्री भएको हुँदा यसमा विवाद नभएको बताइएको छ । ‘अनुमतिपत्र प्राप्त व्यक्ति विपक्षी एनसेल आजियाटा लिमिटेड को ८० प्रतिशत सेयर धारण गर्ने शेयरधनी आजियाटा इन्भेष्टमेन्ट (यू.के.) लिमिटेड ले आफ्नो सेयर स्पेक्ट्रलाइट यू.के. लिमिटेडलाई २०८० मंसिर १५ मा बिक्री गरेको तथ्यमा विवाद देखिँदैन,’ सर्वोच्चको परमादेशमा भनिएको छ ।