डलर महँगो हुँदा विदेशी ऋणमा थपियो अतिरिक्त एक खर्ब ६७ अर्बको भार

काठमाडौं । डलर लगायत विदेशी मुद्राको मूल्य बढ्दा सार्वजनिक ऋणमा अतिरिक्त रूपमा एक खर्ब ६७ अर्ब रूपियाँ दायित्व थपिएको छ । डलरको मूल्यमा आएको बृद्धिले गत आर्थिक बर्ष २०८२–८३ मा विदेशी ऋणतर्फ अतिरिक्त रुपमा सो बराबरको दायित्व थपिएको हो । सार्वजनिक ऋण व्यवस्थापन कार्यालयले सार्वजनिक गरेको गत आवको तथ्यांकले यस्तो देखाएको हो ।

२०८३ असार अन्त्यसम्म विदेशी ऋणको दायित्व १४ खर्ब पाँच अर्ब ८२ करोड रूपियाँ थियो । त्यसमा गत आवमा सरकारले ८८ अर्ब ५० करोड १९ लाख रूपियाँ थप विदेशी ऋण लिएको छ । त्यसै गरि ६१ अर्ब ८४ करोड २३ लाख रूपियाँ भने साँवा भुक्तानी भएको छ । त्यसअनुसार विदेशी ऋणको आकार १४ खर्ब ३२ अर्ब ४८ करोड ३२ लख रूपियाँमा सीमित हुनुपर्ने हो ।