सगरमाथा लुम्बिनी इन्स्योरेन्स कम्पनी लिमिटेडले गर्यो आर्थिक वर्ष २०८२/८३ मा ४.९६ अर्ब दावी भुक्तानी, कति भयो कुल बीमा शुल्क संकलन ?

काठमाडौं- नेपालको अग्रणी निर्जीवन बीमा कम्पनीहरूमध्ये एक सगरमाथा लुम्बिनी इन्स्योरेन्स कम्पनी लिमिटेड सलिकोले आर्थिक वर्ष २०८२/८३ मा ५.४२ अर्ब रुपैयाँ कुल बीमा शुल्क संकलन गर्दै उल्लेखनीय व्यावसायिक सफलता हासिल गरेको छ ।

सोही अवधिमा कम्पनीले ४.९६ अर्ब रुपैयाँ दावी भुक्तानी गरी आफ्ना बीमितप्रतिको प्रतिबद्धता, द्रुत सेवा तथा विश्वासलाई थप सुदृढ बनाएको छ । पछिल्ला केही वर्षयता कम्पनीले व्यवसाय विस्तार, सेवा सञ्जालको सुदृढीकरण तथा ग्राहक पहुँचमा निरन्तर वृद्धि गर्दै उल्लेखनीय प्रगति हासिल गरेको छ । यससँगै दाबी भुक्तानी क्षमतामा समेत उल्लेखनीय वृद्धि गर्दै सलिकोले ग्राहकप्रतिको आफ्नो प्रतिबद्धतालाई निरन्तर प्रमाणित गर्दै आएको छ ।