सिक्किम सुरुङ दुघर्टनामा मृत्यु हुनेको संख्या २२ पुग्यो

नयाँ दिल्ली । भारतको सिक्किम राज्यको नामची जिल्लामा निर्माणाधीन एनएचपीसी तिस्ता स्टेज–६ जलविद्युत् आयोजनाको सुरुङमा भएको दुर्घटनामा हालसम्म २२ जना मजदुरको शव फेला परेको छ ।

अझै तीन जना मजदुर बेपत्ता रहेकाले उनीहरूको खोजी तथा उद्धार कार्य तीव्र रूपमा जारी रहेको भारतीय अधिकारीहरूले जनाएका छन् । अधिकारीहरूका अनुसार दुर्घटना हुँदा सुरुङभित्र कुल २५ जना मजदुर फसेका थिए । तीमध्ये २२ जनाको शव निकालिएको छ भने बाँकी तीन जनाको खोजीका लागि राष्ट्रिय विपद् मोचन बल र आसनसोलस्थित इस्टर्न कोलफिल्ड्स लिमिटेडको विशेष उद्धार टोली परिचालन गरिएको छ ।