अमेरिका–नेपाल व्यावसायिक करिडोरलाई सुदृढ बनाउने प्रतिबद्धता

काठमाडौं । नेपाल र संयुक्त राज्य अमेरिकाबीचको व्यावसायिक करिडोरलाई थप सुदृढ बनाउने उद्देश्यका साथ अमेरिकन चेम्बर अफ कमर्स इन नेपालले क्रस रिभर बैंकसँगको सहकार्यमा एक उच्चस्तरीय नेतृत्व संवाद कार्यक्रम सम्पन्न गरेको छ।

“नेपाल, ग्लोबल क्यापिटल एन्ड द फ्युचर अफ फाइनान्सियल इनोभेसन” शीर्षकमा आयोजित उक्त विशेष संवादमा नेपालको बैंकिङ, वित्त, लगानी, फिनटेक, बीमा, प्राइभेट इक्विटी तथा समग्र व्यावसायिक क्षेत्रका प्रमुख व्यक्तित्वहरूको सहभागिता रहेको थियो।