‘संस्थापनइतर समूहका नेताहरूमा विवेकको कमी महसुस भएको छ’

काठमाडौँ – नेपाली कांग्रेस संसदीय दलका नेता भीष्मराज आङदेम्बेले संस्थापनइतर समूहका नेताहरुको अभिव्यक्तिमा तर्क र विवेकको कमी महसुस भएको टिप्पणी गरेका छन्।

बिहीबार कांग्रेस केन्द्रीय नीति, अनुसन्धान तथा प्रशिक्षण प्रतिष्ठानले काठमाडौँमा आयोजना गरेको नवीन परिस्थिति, नवीन संकल्प, नवीन अभियान कार्यक्रममा नेता आङदेम्बेले विभिन्न डबलीहरूमा सुनिएका विचारहरूमा तर्क र विवेकको कमी महसुस भएको भन्दै विवेक र तर्क हराएर अहंकार र गालीमा रूपान्तरित भएको उल्लेख गरे।