गुगलको नयाँ माइग्रेसन फिचर : एपबिनै आइफोनबाट एन्ड्रोइडमा डाटा ट्रान्सफर हुने

काठमाडौं । गुगलले आइफोनबाट एन्ड्रोइडमा डाटा स्थानान्तरण गर्ने प्रक्रियालाई थप सरल र सहज बनाउने नयाँ प्रणाली सार्वजनिक गरेको छ । एन्ड्रोइड १७ मा समावेश गरिएको नयाँ माइग्रेसन सिस्टममार्फत अब प्रयोगकर्ताले कुनै अतिरिक्त एप डाउनलोड नगरीकनै आइफोनका विभिन्न डाटा वायरलेस रूपमा एन्ड्रोइड फोनमा सार्न सक्नेछन् ।

नयाँ सुविधाले आइफोनबाट एन्ड्रोइडमा सर्ने प्रयोगकर्तालाई फोटो, भिडियो, कन्ट्याक्ट, सन्देश (Messages), क्यालेन्डर, गुगल अकाउन्ट, सेभ गरिएका पासवर्ड, वाइफाई विवरण (Wi-Fi Credentials) तथा eSIM सम्बन्धी जानकारी स्थानान्तरण गर्न सहज बनाउने गुगलले जनाएको छ ।