महामन्त्री पौडेलको दाबी- कांग्रेस सबैभन्दा धेरै सदस्य भएको पार्टी बन्दैछ

काठमाडौं । नेपाली कांग्रेसका महामन्त्री प्रदीप पौडेलले कांग्रेस सबैभन्दा बढी सदस्य भएको पार्टी बन्ने दाबी गरेका छन्। काठमाडौैंमा आयोजित एक कार्यक्रममा बोल्दै कांग्रेसले हरेक क्रियाशील सदस्यको डिजिटल आइडी बन्ने उनले बताए।

उनले भने, ‘अब केन्द्रीय कार्यालयले सदस्यहरूलाई सूचना पुर्‍याउनका निम्ति विज्ञापन गरिरहनु पर्दैन। डिजिटल नेटवर्क भित्र सूचना हाल्दिएपछि सबै साथीहरूकहाँ त्यो सूचना पुग्ने स्थिति हुन्छ।त्यसैले अब नेपालमा सबैभन्दा बढी सदस्य भएको पार्टी नेपाली कांग्रेस बन्दैछ। आजको दुनियाँमा त्यो संस्था मात्रै धनी हुन्छ, सम्पन्न हुन्छ जोसँग डिजिटल नेटवर्क हुन्छ।’