कांग्रेसलाई लोकतन्त्रका लागि लड्ने क्षमता मिलोस् : केपी ओली

काठमाडौँ । नेकपा (एमाले) का अध्यक्ष तथा पूर्वप्रधानमन्त्री केपी शर्मा ओलीले लोकतन्त्र अपहरण गर्ने शक्तिका विरुद्ध लोकतन्त्र चाहने शक्तिबिचको सहकार्य अनिवार्य भएको बताएका छन् । साथै ओलीले संविधान र लोकतन्त्रको रक्षा गर्ने जिम्मेवारी संविधान र लोकतन्त्रका लागि लडेका राजनीतिक दलहरूकै काँधमा रहेको बताएका छन् ।

‘यिनै पार्टीहरूले लोकतन्त्र फिर्ता ल्याउनुपर्छ, संविधान बचाउनुपर्छ र संविधान संशोधन गर्नुपर्छ’, ओलीले भने, ‘यिनैको अगुवाइमा लोकतन्त्रका आधारभूत प्रश्नको रक्षा गर्दै अघि बढ्नुपर्छ ।’