वर्षदिनमै वैदेशिक व्यापार घाटा १६ प्रतिशतले बढ्यो, २० खर्ब ९६ अर्बको आयात हुँदा ३ खर्ब १५ अर्ब निर्यात

गत आर्थिक वर्ष २०८२/८३ मा नेपालको कुल वैदेशिक व्यापार घाटा १६.६३ प्रतिशतले बढेको छ । आयात र निर्यात दुवै वृद्धि भए पनि आयातको हिस्सा ठुलो भएका कारण व्यापार घाटा समेत बढेको हो ।

२०८२ साउनदेखि २०८३ असार मसान्तसम्मको वार्षिक तथ्यांकअनुसार नेपालको कुल व्यापार घाटा १७ खर्ब ८१ अर्ब ८ करोड ८५ लाख ९६ हजार रुपैयाँ पुगेको छ । अघिल्लो आवमा देशको व्यापार घाटा १५ खर्ब २७ अर्ब ९ करोड २५ लाख रुपैयाँ थियो । गत आवमा कुल २० खर्ब ९६ अर्ब ३७ करोड ९० लाख ७० हजार रुपैयाँको आयात भएको छ । यो आघिल्लो आवको आयातको तुलनाम १६.२० प्रतिशतले बढी हो । अघिल्लो आवमा १८ खर्ब ४ अर्ब १२ करोड २७ लाख ३१ हजार रुपैयाँ बराबरको वस्तु तथा सेवा आयात गरेको थियो ।