एक वर्षमा चार खर्ब बराबरको पेट्रोलियम पदार्थ आयात, डिजेलमा सबैभन्दा धेरै रकम बाहिरियो

काठमाडौँ । गत आर्थिक वर्ष २०८२/८३ मा करिब ४ खर्ब बराबरको पेट्रोलियम पदार्थ आयात भएको छ । भन्सार विभागले बिहीबार सार्वजनिक गरेको तथ्यांकअनुसार उक्त परिमाणमा पेट्रोलियम पदार्थ आयात भएको पाइएको छ ।

तथ्यांकअनुसार नेपालमा आयात हुने इन्धनमध्ये परिमाण र मूल्य दुवैका आधारमा डिजेल सबैभन्दा बढी आयात भएको छ । विभागकाअनुसार १ खर्ब ७२ अर्ब ४२ करोड ८७ लाख २३ हजार रुपैयाँ बराबरको १३ लाख ९३ हजार ३ सय ३४ किलोलिटर डिजेल आयात भएको छ । डिजेल आयातबाट मात्रै राज्यले ५७ अर्ब ७० करोड ३९ लाख ३३ हजार रुपैयाँ राजस्व संकलन गरेको छ ।