दोलखामा पहिरोमा परेका एक जना पुरुष ३ दिनदेखि बेपत्ता

काठमाडौँ । दोलखाको गौरीशङ्कर गाउँपालिका–९ स्थित मुलखर्कमा वर्षाका कारण पहिरोमा परेका एक जना पुरुष ३ दिनदेखि बेपत्ता छन् । साउन ५ मा वर्षाका कारण आएको पहिरोमा परेर मुलखर्क बस्ने ७० वर्षीय पुरुष बेपत्ता भएका हुन् । उनको खोजी कार्य भइरहेको सैनिक जनसम्पर्क तथा सूचना निर्देशनालयले जनाएको छ ।

सोही पहिरोमा परेर अड्किएका ४ जनाका उद्धार गरिएको छ । सिनर्जी जलविद्युत आयोजनाका ४ जना कर्मचारीको उद्धार गरिएको नेपाली सेनाले जनाएको छ ।