सय डलर नजिक पुग्यो कच्चा तेलको भाउ

न्यूयोर्क । अमेरिका, इरान र इरान समर्थित समूहबीचको सैन्य तनाव थप बढ्दै जाँदा अन्तर्राष्ट्रिय बजारमा कच्चा तेलको मूल्य लगातार उकालो लागेको छ । मध्यपूर्वबाट हुने तेल आपूर्तिमा अवरोध आउन सक्ने चिन्ताका कारण विश्व ऊर्जा बजारमा दबाब बढेको हो ।

विश्व बजारको प्रमुख सूचक ब्रेन्ट कच्चा तेलको मूल्य बिहीबार प्रति ब्यारेल ९८ अमेरिकी डलर नाघेको छ, जुन एकै दिनमा चार प्रतिशतभन्दा बढी वृद्धि हो । पछिल्लो एक सातामा मात्र ब्रेन्ट तेलको मूल्य करिब १३ डलरले बढेको छ भने युद्ध सुरु भएयता झण्डै ३३ प्रतिशतले वृद्धि भएको छ ।