घोषणाविना पाँच हजार अमेरिकी डलरसम्म विदेशी मुद्रा नेपाल ल्याउन पाइने

काठमाडौं । नेपाल राष्ट्र बैंकले नगद विदेशी मुद्रा नेपाल भित्र्याउने र बाहिर लैजानेसम्बन्धी विद्यमान व्यवस्था पुनः स्पष्ट पारेको छ ।

राष्ट्र बैंकका अनुसार, नेपाली वा विदेशी नागरिकले पाँच हजार अमेरिकी डलरसम्म (वा सोबराबरको अन्य विदेशी मुद्रा) नगद रूपमा भन्सारमा घोषणा नगरी नेपाल ल्याउन सक्नेछन् । तर, पाँच हजार अमेरिकी डलरभन्दा बढी रकम ल्याउँदा भने अनिवार्य रूपमा भन्सारमा घोषणा गरी प्रमाणित गराउनुपर्ने व्यवस्था रहेको छ ।