नेदरल्यान्ड्सविरुद्ध नेपाल १५७ रनमै अलआउट, फेरि धर्मरायो ब्याटिङ

काठमाडौँ । आईसीसी क्रिकेट विश्वकप लिग–२ अन्तर्गतको खेलमा नेपाल नेदरल्यान्ड्सविरुद्ध मात्र १५७ रनमा समेटिएको छ । टस हारेर पहिले ब्याटिङको निम्तो पाएको नेपालले ४४.४ ओभरमा सबै विकेट गुमाउँदै १५७ रन मात्र बनाउन सक्यो ।

नेपालका लागि आरिफ शेखले सर्वाधिक ४१ रनको योगदान दिए । उनले ९० बल खेल्दै ४ चौका प्रहार गरे । यस्तै गुल्शन झाले ४२ बलमा १ चौका र २ छक्काको मद्दतमा २९ रन बनाए भने दीपेन्द्रसिंह ऐरीले ४२ बलमा २१ रन जोडे । तल्लो क्रमका करण केसी १३ रनमा अविजित रहे भने सोमपाल कामीले १० रन र आसिफ शेखले १४ रन बनाए ।