दीपाश्री अस्पतालबाट डिस्चार्ज, भन्छिन्- ४० काटेपछि मस्तिष्कको अवस्था परीक्षण गर्नुहोला

काठमाडौं । अभिनेत्री तथा फिल्म निर्देशक दीपाश्री निरौला अस्पतालबाट बिहीबार डिस्चार्ज भएकी छन् । ब्रेन ट्यूमरको शल्यक्रियापछि उनी माइतीघरस्थित अन्नपूर्ण न्यूरो अस्पतालमा स्वास्थ्यलाभ गरिरहेकी थिइन् ।

उनी निकट फिल्मकर्मी दीपकराज गिरीले अस्पताल बसाइको १८ दिनपछि दीपाश्री डिस्चार्ज भएको जनाएका छन् । फेसबुकमा दीपाश्रीको मुस्कानसहितको ताजा तस्वीर पोस्ट गर्दै उनले ४० काटेपछि एकपटक मस्तिष्कको अवस्था परीक्षण गर्न सबैलाई अनुरोध गरेका छन् ।