माधव नेपालको चिन्ता- सरकारका कामकारबाहीले अत्यन्तै सशंकित बनाइरहेको छ

७ साउन, काठमाडौं । नेपाली कम्युनिस्ट पार्टी(नेकपा)का सह–संयोजक माधवकुमार नेपालले सरकारका कामकारबाहीले सबैलाई सशंकित पारेको टिप्पणी गरेका छन् । बिहीबार समाजवादी प्रेस संगठनले काठमाडौंमा आयोजना गरेको कार्यक्रममा बोल्दै नेता नेपालले सरकारको काम गर्ने शैलीका कारण देश संकटमा पर्ने चिन्ता बढेको बताएका हुन् ।

‘सगरमाथाको देश यो नेपाल, पर्यटकको गन्तव्यका रूपमा रहेको नेपाल शान्तिपूर्ण रूपमा रहिरहन सक्छ कि सक्दैन ? विदेशीहरूको हालीमुहाली चल्ने त होइन ? यसले नेपालीहरूलाई चिन्तित बनाएको छ,’ नेता नेपालले भने, ‘अहिलेको सरकार कामकारबाही, बोली, व्यवहारहरू ती सबैले मान्छेलाई अत्यन्तै सशंकित बनाइरहेको छ ।’